O futbolín quedou orfo

O venres morreu Alejandro Finisterre, o inventor do futbolín. O seu verdadeiro nome é Alejandro Campos Ramírez, pero tomou o apelido Finisterre porque naceu nesta vila da Costa da Morte.

Aínda que moitos non o saiban, o futbolín foi inventado por este fisterrán. A idea xurdiu no ano 1937, durante a guerra civil, mentres estaba hospitalizado na Colonia Puig, en Montserrat. Estaba ferido e non levaba o tempo. Inspirado no tenis de mesa e pensando no fútbol, un deporte tan popular no noso país, naceu o futbolín. O éxito deste novo entretemento chegaríalle en Guatemala, onde comezou a súa fabricación a nivel industrial.

Finisterre tivo que exiliarse, percorreu varios países europeor e americanos, foi perseguido polas súas ideas e mesmo foi secuestrado nunha ocasión. Pero o futbolín non foi o seu único éxito, tamén tivo sona como escritor e editor. Foi membro da Real Academia Galega e en abril ía ser nomeado Fillo Predilecto de Fisterra.
Hai uns anos, Alejandro Finisterre dicía nun xornal que “sempre fun rebelde, pero creo que hai motivos de sobre para selo”.